Portrait
Bei der ersten Generalversammlung im Jahr 2011 waren bereits 6 Aktivmitglieder dabei.
Die heutigen Aktivmitglieder sind:
| Name / Vorname |
Wohnort | Funktion |
| Bass Pauli | Clavadi | |
| Bundi Robert | Surrein | |
| Cajacob Florian | Sumvitg | Revisor |
| Candinas Murezi | Surrein | |
| Carabelli Silvia | Dardin | Kassiererin |
| Cathomas Tarcisi | Danis | Präsident |
| Degonda Gion Fidel | Cumpadials | |
| Monn Flurin | Sumvitg | Aktuar |
| Monn Martin | Sumvitg | Dirigent |
| Monn Pierin | Sumvitg | |
Cronica digl origin
Igl onn 1995 e 1996 han Murezi, Duri e Gion Fidel astgau retscheiver da lur famiglias sco schenghetg da natalezi rondund ina tiba d’alp e quei tuts treis independentamein. Mintgin singul ha fatg sias emprovas e sunau sco ei ha talentau e senza instrucziun speciala.
Bein savend ch’ei fussi pli bi da sunar en gruppa han Duri e Gion Fidel cun caschun a sentupadas fatg ils emprems exercezis communabels e schizun passai si sco «DUO» a Mustér a caschun d’ina sentupada dalla suprastonza dils fabricants da finiastras svizzers FFF, e lu a Naustgel a caschun dalla fiasta d’alp.
Il Duri ha suenter haver giu contact cun ils sunatibas tuatschins astgau entrar leu en l’uniun igl onn 1998. Las bunas experientschas da sunar en guppa han lu buca schau liber pli il Duri dil patratg da semetter ensemen cheu tier nus en vischnaunca. Naven da Portas onsum la Val ha il Duri lu cattau ad agur giu gl’Encarden il Murezi cun la tiba ed il Murezi il Duri si Portas. Cun Gion Fidel secunvegnan ils treis sunatibas d’exercitar communablamein. Las empremas emprovas communablas vegnan tenidas giu l’entschatta dalla stad 2000 e quei en Vaulas che gie negin dil contuorn vegni disturbaus! Suenter esser empau assimiliai cun ils tuns digl Encarden e ch’ei mava dètg pulit da sunar en treis ei vegniu cuntinuau cun ils exerczeis. A caschun dil survetsch divin per Nossadunna dalla neiv en Bogn Tenigia ils 14 d’uost 2000 han ils treis sunatibas dau lur emprema producziun communabla.
Protocol da fundaziun
A caschun digl exercezi dils 15 da schaner 2001 ein ils treis sunatibas Duri Bearth, Murezi Candinas e Gion Fidel Degonda sedecidi definitivamein da fundar l’uniun dils sunatibas. Battegiada vegn quella «Uniun da sunatibas Postabiala Sumvitg». Per dapli commembers per la nova uniun vegn mirau entuorn tgi che ei gia en possess d’ina tiba ed havess plascher d’entrar en l’uniun. Spontanamein vegnan dumandai Thomas Bieler, che era enconuschents sco promotur da tiba, sco era Pauli Bass e Martin Monn. Tuts treis han saviu sedecider positivamein suenter esser stai presents tier plirs exercezis. Tier l’emprema radunonza generala vegnan els pri si definitivamein sco commembers.
Ils statuts per la nova uniun vegnan surpri dall’uniun da sunatibas Tujetsch cun adattar quels a nossas relaziuns. A caschun dall’emprema radunonza generala dueien quels vegnir approbai dils commembers.
Possess dallas tibas: Pauli e Martin sedecidan era da vuler posseder privat las tibas sco ils ulteriurs commembers e s’organiseschan da serender a Kriens tier la firma Stocker per la cumpra.
Saver sepresentar sco s’auda tier ils sunatibas cun “Kittel” ei pusseivel perquei che mintgin posseda ni ha saviu procurar per in tal, denton tuts models e pliras colurs che sepresentan denton dètg pulit.
Cun las gaschas per las producziuns enteifer l’emprema sesiun ei il meini d’astgar metter neu ina mondura unica per tuts commembers. La decisiun vegn prida a caschun dalla radunonza generala. La gascha per prodcziun vegn fixada ad interim sin 150.- frs.
L’instrucziun musicala che nies senior Duri ha menau tochen il matg 2001 vegn surprida da Martin. Sias qualitads sco versau dirigent ei per noss’uniun da grond avantatg e fetg legreivel. Ils exerczeis vegnan fixai naven dil matg mintgamai sin la mesjamna. Il liug d’exercezi vegn fixaus duront il temps freid en fabrica tier Gion Fidel a Cumpadials, duront il temps da stad en Vaulas ni els vischinadis, quei che sa mintgamai vegnir fixau ina ga a l’autra.
Per promover la cumpignia e cameraderia denter las duas uniuns Tujetsch e Sumvitg vegn sin iniziativa dils Tuatschins decidiu da s’entupar inaga per meins, naven dil matg entochen gl’october, tier in exercezi communabel e quei en scomi a Tujetsch e Sumvitg. L’entschatta han ils Tuatschins dau cun la sentupada a Surrein, ils 3 d’avrel. Igl 1. da matg essan nus serendi a Sedrun ed ils 5 da zercladur ha ei lu dau la surpresa sil Bostg tier nies commember Murezi. Leu ei lu buca schau pil pauc cun pulenta e groma, schambun, ligiongia e caschiel ed era la bubronda ha buca muncau. Il transport giu dil Bostg ha buca pudiu scurlar sufficientamein per far tuchegiar, plirs dils cumpogns sunatibas han stuiu pitir tochen encunter la damaun. Suenter la sentupada dils 3 da fenadur a Sedrun ei suandau igl exercezi a Clavadi nua ch’ei ha dau la surpresa cun puschegn dalla Iris Hügin e dalla Corina dil camerad Pauli. Igl exercezi final e pli serius avon la fiasta da giubileum cun ils Tuatschins ha giu liug ils 4 da settember a Cumpadials en fabrica tier Gion Fidel. Per las bialas sentupadas engraziein nus cordialmein als sponsurs.
A caschun dalla fiasta da giubileum dalla uniun da tibas Tujetsch ils 22 da settember ei nossa uniun stada envidada sco hosps. Per la biala sera e buna tscheina engraziein zun fetg a nos amitgs sunatibas. Cordiala gratulaziun e bien success ad els era per gl’avegnir.
Cun ils 23 da settember 2001 a caschun dil cuors d’atun a Sedrun ei nossa uniun era s’annunziada sco commembra dall’Uniun da Sgurgialaders grischuna BJV. Pri si sco commembers vegnin a caschun dalla radunonza generala dils 24 da november 2001.